Muqdisho (Caasimadda online) – Madaxweynaha Soomaaliya Maxamed Cabdullaahi Farmaajo ayaa jawaab la yaab leh siiyey 10 Xildhibaan oo shaxaad usoo raadiyey, waxayna sheekadaas noqotay in maalmihii ugu danbeeyay ka taagneyd gudaha xildhibaanada.
Madaxweynaha dowladda ayaa kulan gaar ah la qaatay 10 Xildhibaan oo kasoo wada jeeday hal beel oo aanan halkaan kusoo bandhigi karin magaceeda sababo jiro awgeed, waxayna madaxweynaha ka dalbadeen lacag shaxaad ah oo sheegeen inay ku taageerayaan xalinta dhibaato ka jiro deegaanka ay kasoo jeedaan oo ay isku dagaalayaan beelo colaad ka dhaxeyso.
Wadahadal iyo is wareysi kadib ayay madaxweyne Farmaajo weydiisteen inuu howshaasi ku garab galo, taasoo keentay in madaxweynuhu ku bogaadiyo tallaabadaasi, isagoo u sheegay in dagaal beeleed aanu dhammaanin, siiba degaanada ay xildhibaanadaasi kasoo jeedaan.
Waxay ku adkeysteen oo ay ku cadaadiyeen Madaxweyne Farmaajo inuu dhaqaalahaas bixiyo, midaasna ay tahay arrin ay aad u jeclaan lahaayeen.
Haddaba Madaxweyne Farmaajo ayaa siiyey jawaab ay la yaabeen, waxayna ku noqotay jawaab lama filaan ah markii uu waydiiyey inaysan qaadan mushaarkoodii.
Xildhibaanadii ayaa waayey jawaab aan aheyn “HAA”, markaas ayuu madaxweyne Farmaaji ku yiri hadalkaan yaabka badan oo weliba lagu tilmaami karo mid uu ku saxan yahay:
“Waxaan ku dadaalnay in mushaarkiina aad heshaan bil waliba, marka shaxaad….”
Markuu Madaxweynaha halkaas yiri waxaa meesha si kadis ah isaga dareemay tobankii Xildhibaan ee shaxaad doonka ahaa, maadaama ay soo idlaatay hamigii ay madaxweynaha ka lahaayeen.
