Barcelona iyo Lille oo guulo gaaray kulamadooda UCL.

Champions LeagueGroup F

FC BATE Borisov ayaa gurigeeda guul darro 2-0 ah kaga soo gaartay kooxda Faransiiska ah ee Lille.

Djibril Sidibé ayaa kooxda martida ah hugaanka u dhiibay daqiiqadii 14aad ka hor inta uusan goolka labaad ka dhalin Gianni Bruno ciyaarta oo mareysa nusa saac, sidaas ayaana lagu kala nastay.

Djibril Sidibé ayaana qaatay jaalihiisii labaad ee ciyaarta ka dibna Casaan loo raaciyey markii uu qalad ku galay Bordachev daqiiqadii 74aad.

Wax badan ayaan ciyaarta iska bedelin qeybta labaad sidaas ayeyna kusoo dhamaatay.

Champions LeagueGroup G

Spartak Moskva ayaa 3-0 guul darro ah kala kulantay Barcelona kulan marti loogu ahaa gurigooda.

Kooxda martida loo ahaa ayaa goolka lagu bilaabay daqiiqadii 16aad ka dib markii uu Daniel Alves ka faa’iideystay fursad uu ka helay Lionel Messi.

Daqiiqadii 27aad ayaa Lionel Messi hugaanka u dheereeyey Barcelona ka hor inta uusan gool qurux badan ka dhalin daqiiqadii 39aad, sidaas ayaana lagu kala nastay.

Inkastoo ay Spartak heleysay weeraro ku dhisan kubado dhaareer. Barca ayaa inta badan laheyd Koontaroolka kubada qeybtii labaad.

Messi ayaa caawa goolashii uu dhaliyey waxay la micno aheyd inuu Goolal ka dhaliyey 14 dal oo kala gedisan.

W/Q: Ahmed Jaangoan

E-mail: jangoan@hotmail.com

Caasimada – Mogadishu.