Cali Cabdullaahi Cosoble, MW Hirshabeelle, ayaa xil ka qaadis lagu sameeyey. Sabab? Ani sidan ayey i la tahay;
1- Wuxuu la yimid aragti ka duwan madaxda bartamaha iyo koofurta dhaw.
2- Wuxuu marar badan ku celiyey, in ay xoogga saarayaan, sidii loo furi lahaa dekadda Ceel Macaan.
3- Wuxuu sheegay, in uu furayo garoonka Cisalleey.
4- Wuxuu soo dhaweeyey ganacsatada qaadka, markii lagu qaaliyeeyey canshuurta garoonka Muqdisho.
5- Wuxuu si cad u sheegay, in dhismaha maamulka gobolka Banaadir gogosheeda uu ku qabanayo magaalada Jawhar. Gogoshiisa ayaase ka hor la laabay!
6- Wuxuu magacaabay degmooyin cusub, oo ka tirsan maamulka Hirshabeelle.
7- Wuxuu gobolka Hiiraan u ka la qaybshay labo gobol, waxaase ka hoosbaxday, in MW Shariif uu hore labo gobol uga dhigay.
8- Malaha wuxuu ka maagay taageerada qiiraysan ee madaxda cusub iyo guulwadaynta.
9- Wuxuu faraha la galay go’aanka dawladdu ka qaadatay muranka gacanka Carbeed.
10- Wuxuu taageero ka waayey qaar ka mid ah beelaha gobolka, oo uusan si mug leh u qancin.
Haddaba, marka laga soo tago habka loo maray iyo hannaanka ay u la falgashay dawladdu, waxaan dhihi lahaa; Cosoble wuxuu eersaday aragtida cusboonaysiinta!
https://bilediraac.wordpress.com/
