Muqdisho (Caasimada Online) – Wararka hadda naga soo gaaraya degmada Wadajir ayaa sheegaya in dagaal xoogan uu ka socdo degmadaasi Wadajir.
Ciidamo hubeysan iyo ciidamada loogu talo galay xasilinta amaanka caasimada Soomaaliya ayaa lagu soo waramayaa inay ku dagaalamayaan degmada Wadajir, waxaana ciidamada hubeysan ay kasoo horjeedaan hub ka dhigista dowladda sameyneyso.
Ciidamada ayaa inta badan waxay maalmahaan hubka ka dhigayeen ciidamada aan dowladda u diiwaan gashaneyn ee hubka ku dhex wata magaalada Muqdisho ee caasimada Soomaaliya.
Dagaalka ayaa ka bilowday Suuqa weyn ee degmada Wadajir, waxaana ciidamo halkaasi ku sugnaa ay ka biyo diideen inay hubka dhigaan oo dowladda ay ku wareejiyaan.
Shalay ayeey aheyd markii ciidamo ka tirsan dowladda ay Warbaahinta la hadleen, iyaga oo cabasho ka muujiyay qorshaha hub ka dhigista ee lagu sameynaayo askarta dowladda.
La soco waxii kusoo kordhaa insha allah
