Dil naxdin oo ka dhacay gobolka Mudug iyo shacabka oo hadal haya

Muqdisho (Caasimada Online) – Wararka naga soo gaaraya gobolka Mudug ayaa sheegaya in dil ay ka naxeen shacabka Mudug uu gobolkaasi ka dhacay kadib markii hal mar la dilay labo wiil oo walaalo ahaa.

Wararka naga soo gaaraya deegaanka Caliwaan ayaa sheegaya in maleeshiyaad hubeysan ay ku dileen deegaankaasi labo wiil oo walaalo ahaa, taasi oo naxdin ku noqotay shacabka deegaankaasi.

Dilka wiilashaan oo dhalinyaro ahaa ayaa la sheegayaa inuu salka ku hayo aanooyin qabiil, maadaama deegaanaasi maalmahaan ay ka dhacayeen dilal qorsheysan oo dadka deegaanka isku geysanayaan.

Maleeshiyaadkii dilka geystay ayaa la sheegay in ay baxsadeen , waxaana hadda xiisad ay ka jirta Bariga gobolka Mudug.

Dilka ayaa waxaa geystay Maleeshiyaad xoolo dhaqato ah oo ku sugan Bariga Mudug.

Degaanka Caliwaan ayaa ka mid ah degaanada hoos yimaada degaanka Balibusle ayaa maalmihii lasoo dhaafay  waxaa  ku dagaalamaayay Maleeshiyaad kasoo kala jeeda maamulada Puntland iyo Galmudug.

Odayaasha labada dhinac ay waday dadaallo kala duwan oo arintaasi lagu xalinaayo inkastoo aysan hirgalin.

Caasimada Online
Xafiiska Muqdisho
Caasimada@live.com