Garowe (Caasimada Online) –Madaxwaynaha Maamulka Puntland Cabdiraxmaan Sheekh Maxamad Faroole ayaa ka hadlay wararka sheegayay inuu sii dheeraysanayo Waqtigiisa Madaxwaynaha Puntland.
C/raxmaan Sheekh Maxamed Faroole mar uu ka hadlay Xasaradaha siyaasadeed ee ka jira Puntland, waxaa uu sheegay inaysa jirin Mudo kororsiga la sheegay.
Wuxuu sheegay inuu dhamaysanayo Shanta Sano ee ku qoran dastuurka Maamul Goboleedka Puntland.
Faroole ayaa ku faanay in Musharaxiinta Xilkiisa u tar tamaya ay isaga ka baqayaan in markale uu doorashada ku soo baxo.
Ma lahan buu yiri Wax kalsooni ah ah dadka dhan ee doonaya in Umad dhan ay hogaan u qabtaan ayna ka fidinayaan dacayado raqiis ah.
Madaxwaynaha Puntland hadalkiisa ayaa waxaa uu yimid xili ay dibad baxyo balaaran oo isaga looga soo horjeeday ay ka dhaceen Magaalada Gaalkacyo.
Caasimada Online
Xafiiska Wararka Garowe
