JACEYLKII DUGSIGA DHEXE ( 8 )!

Qeybtii 8-aad  halkan ka aqriso qeybihii hore 1-aad,  2-aad,  3-aad4-aad 5-aad6-aad7-aad
Akhristoow sheekadii wey sii kululaatay mar haddii uu Ostan jeclaaday gabar Talyaani ah oo qurux badan, Maryanna uu u daayey saaxiibkii lagu sheegay  ee Buurane !!! .
Ostan khaladka uu galay ee kaliya waa in uusan hubsan waxa saaxiibkiis u sheegay ee ah xiriirka Maryan & Buurane oo uu yaqaano, sababtuna waxa weeye si uu ku hubsado ayaaba adag oo Maryan meel uu u maro ma helaayo, isku Dugsi ma ahan, isku xaafad ma ahan , marka wey adag tahay si uu ula xariiro oo Arrinkaas u hubsado.
Midda kale Ostan Muraayaddii baa jabtay oo Mustaqbalkii Guurkiisu waa dhaawacmay mar haddii Maryan Xiriir kale lagu sheegay, taasoo uga dhiganta in Ooridiisii lagu soo xad gudbay, Jaceylkiisii la soo weeraray, Mustaqbalkii guurkiisa la dhaawacay.
Ostan oo Jaceylka haayey aad u weynaa baa hagardaamada gaartay la raftay, Habeeno dhan u soo jeeday, maalmo dhan is hiifay, ugaaroobay oo dhuubtay, khad ka madoobaaday ,oontii ka soomay , Saaxiibadii lunshay !!!!.
Ostan oo sidii aan horay ba u soo sheegnay  ahaa Ruux Caqli badan ayaa arrinka soo foodsaaray maareeyey, xal dhankiisa ka doonay, in uu is moogeysiiyo Jaceylka Maryan ku dadaalay, Dhaawaca gaaray Qalbigiisa dhabiibay, Turaanturada ku dhacday ka sara kacay,Calool adeyg iyo Ragganimo muujiyey,Sabar sadkiisa ka dhigtay,aan is dhigane dadaal dheeraad ah muujiyey !!!!.
Ostan Markiiba wuxuu ka dhabeeyey in uu Jaceylkii Gabadhii Talyaaniga Abuuro, Jimco kasta Xeebta Liido u sii jarmaado, Isha ka buuxsado tii Caseyd ee Timaha haldhaaga laheyd, ee Quruxdeeda qaar ka mid ah muujisay sida Barida yar ee kastuumada dhinacyadeeda ka muuqata, ama Naasaha reejabeetadu kor u qaadeen ee dhexdooda loo jeedo markay foorarsato.
Ostan wuxuu la ashqaraaray sida eebo u abyey middaan uusan xataa magaceeda garaneynin, se uu Indhihiisa la sii raaco hadba meesha ay istaagto, Ostan waagaas ma Aqoonin se maanta waxaa lagu sifeyn lahaa ( stalker) oo ah ruux mid uu jecel yahay markasta daba taagan oo Qooraansigeedu Qiimo u leeyahay !!!!.
Ostan si uu jaceylkiisa Run ugu ekeeysiiyo wuxuu bilaabay in uu is weydiiyo sida uu ula xariiri karo markaas buu goostay in uu Warqad Jaceyl ah oo Af Ingiriisi ku qoran uu u diro, maadaama uusan Af talyaaniga Aqoonin oo uusan Banaanka ku daandaansan karin , taas baana talo uga dhamaatay .
Ostan wuxuu qoray warqad Jaceyl ah oo af Ingiriisi ku qoran oo sawiro jaceyl ku dheehan yihiin, wuxuuna ka diyaarshay Ereyaddii Jaceylka ee Filimada Hindiga uu ka maqli jiray marka la tarjumo iyo Buug Jaceyl ah oo uu maalmahaas aqrinaayey erayooyin ku soo arooray, markaas buu Buuggii Afka Ingiriisiga ku qornaa warqaddii dhex gashay oo is yiri macal buugga u dhiib.
Ostan haddana waxaa soo food saartay dhibaato ka timid sidii uu ugu dhiibi lahaa warqadda jaceylka ee buugga Jaceylka ku dhex jirta, oo uu u gaarsiin lahaa gacanta Gabadha Talyaaniga ah.
Ostan nasiibkiisa Maalin kasto oo jimco ah wey timaadaa Gabdhaasi Xeebta Liido sida uu asaguba u yimaado, taas ayaa ugu filan in uu Jaceylkiisa sii kobciyo sidii Maryan uu ugu kobcin jiray markuu ku arko Habeennimada Jimco kasta ah Shaneemo Soomaaliya.
Ostan bilo ayaa ka soo wareegtay intuu jeclaa Gabdha Quruxleeyda ah ee Talyaaniga, taas oo ka xalisay Jaceylkii weynaa ee Dugsiga dhexe ee uu Ostan la  dhiman gaaray !!! arrinkaasi wuxuu ahaa talaabo ( move) fiican oo uu Ostan qaaday haddii kale saameynta Jaceylkii Maryan wuuba u dhiman kari lahaa !!!.
Ostan haatan wuxuu jecel yahay Gabar talyaani ah se xataa magaceeda ma yaqaano waa Jaceyl indho la’ se Ostan waa u shaqeeyey oo Maryan buu ka reebay, haatan xaafadda Kuwaarto Dhawr bilood ma tagin, xagga Shaneemooyinka Shaneemo Bandir iyo Central buu bartay , tolow muxuu is leeyahay xoogaa Af talyaani ah ka siyaadso aad Gabarta talyaaniga ah ku qash qashaado, sideey noqotayba Ostan badaha liido ayuu ugu jecel yahay, Gabdhahana mid Talyaanioga ah !!!!.
Maalin Ostan asagoo u socda Dugsigii Agoonta xoogga ee uu macllinka ka ahaa ayaa waxaa dhacday , asgoo maraaya Isgoyska Lambar afar ayuu wuxuu maqlay labo wiil oo taxi u sii jeeda dhanka Airporka farta ku fiiqaaya oo midkood leeyahay Taxi-gaas waxaa ku jirta Maryan hebla , Markaas buu ka shanqariyey magac Ostan Qalbigiisa gilgilay oo uu muddo jeclaa waa Maryan.
Kii kale ayaa yiri xaggey u socotaa , markaas buu ugu jawaabay Dugsiga Xalane ayey galeysaa Maanta PP 1977.
Maryan Jidkii Ostan bay raacday oo ayaduna macallimad ayey Tababar u gashay !!!.
Ostan wiilka wax tilmaamaaya wuu yaqwaanaa oo waa xasanoow waxay ag degan yihiin Hotel Xamar oo xaafadda Kuwaarto caan ka ah, Hoteel sedddex dhabaq ah oo rinji guduudan marsan yahay.
Ostan Jaceyl uu waa’ iloobay ayaa Qalbigiisa ruxay wuxuu soo xasuusta Maryan iyo Jaceylkiisii Afarta sano qaatay ee meesha xun ku dhamaaday !!! se wuxuu la yaabay wali dhanka bidixda ee Qalbigiisa ayey meel ku leeyahay markuu Arko ama magaceedaba uu maqlo ayuu xanuun ka dareemayaa oo wadnuhu halkaas ka bood boodaa !!!.
Akhristoow maalintaan aan kuu sheegay hal maalin oo kale ayaa ka danbeysay ooy Ostan iyo Maryan is arkeen ??? Dhawr sano kadib bayna aheyd  ilaa laga soo gaaro 1982 bishii December.
Ostan gabadhii Talyaaniga aheyd na ma calfan , warqaddii uu qoray na agtiisa ayey ku duugowday, waxaa u dareyd markii uu warqaddii oo uu buug ku wado uu Su,aalay inabtigiis Cali daahir Allaah ha u naxariistee oo Baar kuraajo del suud hortiisa gaari gacmeed uu nanac iyo alaabo kala duwan ku gado uu soo dul istaagay.
Cali daahir baa ku yiri bal Buugga is tus se waxaa ka soo dhacday warqad jaceyl oo xardhan ,markaas buu qoslay oo ku yiri tanna yaad u wadaa markaas buu Ostan yaxyaxay oo iska aamusay , se Cali Daahir baa ku farxay in inaabtigiis oo waqti Shukaansi  gaaray.
Akhristoow Ostan iyo Saaxiibadiis Hunboow iyo Hassan Nur ( andrea) waxay bilaabeen in ay ku xirmaan tafsiir ka socday Masaajidka Arbaca Rukun ee Xamar weyne oo uu Akhrin jiray Macallin Muriidi oo Reer Xamar ahaa waa bilowgii 1977.
Waa sheeko aan si gaar ah uga sheekayn doona markaan dhameeyo Jaceylka Dugsiga dhexe ayaduna waa qeyb ka mid ah, Nolol Taariikheedka Ostan oo la yiraahdo ( CIYAAL XAMAR ) .
Ostan wuxuu ku biiray Arday Diinta barata oo la oran jiray Akhwaanul Muslimiin oo Masaajidkaas Tafsiir ka akhrisan jiray, wuuna ka reystay Jaceylkii iyo shaneemooyinklii iyo Banooni ciyaarkii inkastooy waqti ku qaadatay sidii uu iskaga gooyn lahaa.
Ostan Galistii shaneemooyinka waa yareeyey, baddii Liidana waaba iska daayey haatan mar kasta kitaab yar buu gacanta ku wataa wuxuu noqday wadaad ??? Mar mar wuxuu wacdiyaa saaxiibadiis markaas bay ku yiraahdeen erey uusan ilaa haatan iloobin ( shan beri shiikh laguma noqdo )  !!! aygoo ka wada ma Ostankii shaneemooyinka iyo Kubbadda nooga horeeyey baa maanta na wacdinaaya !!!!.
Waxaa la soo gaaray 1978 Ostan saaxiibkiis Hunboow wuxuu ku jiraa fasalkii ugu danbeeyey ee Dugsiga Sare, Ostanna waxaa loo ogolaaday in uu galo Imtixaanka Dugsiga Sare ee Gaarka ah ( private school) oo loo ogol yahay Ruux kasta oo Afar sano ka hor qaatay Shahaadada Dugsiga dhexe wuxuu u fariisan karayaa Imtixaanka Dugsiga Sare .
Ostan baa ka codsaday Hunboow in uu la diyaariyo Xisaabta, Physics iyo Biology si uu Imtixaanka uga faa.ideysto, markaas ayuu habeeno dhawr ah wax la Akhrisan jiray ooy isku imaan jireen.
Waxaa dhacday Qiso cajiib ah Hunboow ayaa wuxuu jeclaaday gabar ay isku Fasal yihiin oo Akhwaanul Muslimiin ah oo xijaab iyo shaati gacmo dheero ah gashata waa  (style )waagaas gabdhaha Wadaada ah ay school -ka ku tagi jireen oo mar mar laga soo eryi jiray haddii ay shaatiga gacma dheeraha ah Dugsiga ku yimaadaan.
Hunboow baa habeen kasta Saaxiibkiis Ostan uga sheekeeya gabdhaas iyo dhaqankeeda suuban iyo sida ay u waaniso, oo uu ku yiri Adiga ayadaa kaa waano fiican, ileen meesha Jaceyl baa ku jiree ????.
Hunboow Jaceyl baa galay warqad buu qoray baqshad buu galiyey gabadhii u dhiib buu is yiri se waa sameyn kari waayey??? Habeenkii danbe ayuu Ostan la tashaday wuxuu u sheegay in uu Warqad gabdhii u qoray uu ku leeyahay waan ku jeclahay,se uu u dhiibi kari waayey ???ee maxaan sameeyaa ??? Ostan waa khabiir Afar sano ka hor buu Jaceyl jilaayey ??? wuxuu ku yiri Warqadii meeday ???waa tan oo Baqshad aan magaceeda ku dul qoray baan galiyey ??? Ostan waa qoslay sidaan warqad Jaceyl ah looma dhiibo oo ardeyda oo dhan baa ku arkaysa ??? ee waxaad sameysaa horta Baqshada ka bixi , kadibna Buugeeda weydiiso in aad cashar ka soo qoroto ??kadib markaad u celineyso warqadda Jaceylka ugu dhex Rid oo ku dheh waa kan Buugaagii , Sidaas samee ayuu kula taliyey ???Hunboow Taladii buu qaatay weyna u shaqeysay oo warqaddii sidaas buu ku gudbiyey , ileen khabeer Jaceyl baa la joogga oo xataa Gabar talyaani ah warqad u qoraye.
Haddana waxaa la soo gaaray 1979 kii Ostan Imtixaankii Dugsiga Sare waa ku barmoosay walow uusan galin Imtixaankii biology-ga oo uu maalintaas ka soo daahay loona diiday in uu Imtixaankaas u fadhiisto, se wuxuu ku barmoosay 64% meesha macallinkiisii Hunboow uu ku barmoosay 62 %.
Hunboow haddana waxaa galay Jaceyl kale wuxuu jeclaaday gabar ay isku xaafad yihiin 1da maajo, waaberi oo aad u qurux badan, markaan Ostan guriga Hunboow ayuu wax ka cunaa oo Hooyadiis baa Hargeysa aaday, Asaga iyo Hunboowna isku Dugsigii Agoonta ayey wax ka wada dhigaan, maxaayeelay Hunboo Shaqadiisii Qaran ayaa Xamar lagu qoray isla Dugsigii uu macallinka ka ahaa Saaxiibkiis Ostan.
Hunboow ayaa maalintii danbe u sheegay Ostan in uu Gabar jecel yahay oo uu sagaal warqadood u qoray oo middiiba ka kooban tahay 10 Bog , oo haddana mid kasta uu koobi ka guuriyey oo uu haayo, Ostan baa yaabay oo ku yiri bal i tus waxa aad qortay ??? koobigii ayuu u dhiibay maxaa amaan ah, maxaa mustaqbal fiican ah oo uu u balan qaadaayo in haddii uu guursado uu Nimco dhex geen doono ??? Ostan waa yaabay ,wuxuu ku yiri Warqadda 10 naad ayadoo cad aan wax ku dhigneyn u dir ??? taas oo macnaheedu yahay warkii waa iga dhamaaday ??? Hunboow oo Ostan Xagga Jaceylka ugu danbeeya ayaa warqad cad tii tobnaad gabadhii u diray ??? se ayaduna jawaab la,aan bay noqotay.
Habeen Ostan iyo Hunboow oo isla socda Baar Wardheer Hortiisa ayaa Hunboow ku yiri waa tan gabadhii ???Ostan baa ku yiri ka daba tag oo Arrinkaaga u sheeg ??? se Hunboo ayaa hakaday oo lugihii qaadi waayey ilaa ay ka libidhay ??? hal mar buu yiri aaway uma jeedee ??? weyba libidhay qarsoontay ??? Ficilkaas ayaa Ostan soo xasuusiyey Jaceylkii Maryan iyo Maalintii uu kaligeed arkay kuna dhici waayey ???markaas buu Saaxiibkiisna u qiray in uu jaceyl haayo ??? .
Waa inoo qeybta 9aad oon ku arki doono waqtigii iskugu danbeysay Ostan iyo maryan oo is arka  December,1982 oo haatan laga joogo muddo 30 sano ah oo Akhristayaasha badankoodu aysan dhalan  !!!
Sheekadii Qiimaha iyo qaayaha iyo Jaceylka Nadiifta ah laheyd waa sheekadii Jaceylkii Dugsiga dhexe !!!!.

F.G Sheekadaan waa Qiso Run ah Magacyada uun baa la Badalay ??? Walow Ostan uu yahay Naaneysta wiilka, Maryan se waa magaceeda Runta ah Se ayaduna Naaneysteeda ayey ku caan tahay sidaas baa looga reebay Magaceeda .

Qore : Ostan Gacamay
 ostan_gacamay@hotmail.com