Nairobi (Caasimadda Online)- Haweenay Kenyan ah oo magaceeda lagu sheegay Jackline Mwende ayaa ugu dambeyntii wiil dhashay xili ayadoo labadeeda gacmood uu ninkeeda kaga goo’yay inaysan ilmo dhaleyn!
21-kii July 2016 waxay u ahayd Jackline Mwende habeen aysan hilmaami doonin madaama ninkeedii Stephen Ngila uu labada gacmood ka jaray sidoo kalena si xun u jirdilay madaama ay in mudo ah wax caruur ah u dhali weesay!
Balse wixii Alle qadaro ayaa marwalbo dhacaan waxaa la sheegay in Jackline Mwende uur lahayd laakiin ogaal uma heyn markii ninkaan dhibaatada u geestay, kadib ayay uurkeeda ogaatay dhawaana hooyo ayay noqotay.
Dhibaatadii Jackline Mwende ninkeedii u geestay qof walbo ayaa ka dan qaday waana loo gurmaday ayadoo baxnaano fiican heshay sidoo kalena waxay heshay gacmo Plastic oo loo galiyay labadii gacmood ee ninkeedii ka jaray badal ahaa si ay kaal maati kaga dhigato.
Waxaa intaas u dheer in Jackline Mwende in guri dhameestiran la siiyay iyo Super Market yar oo camiran si ay nolol maalmeedkeeda kaga soo saarato.
Waxaa si rasmi ah loo xaqiijiyay in Jackline Mwende ay wiil dhashay 20-kii bishan Maarso waxayna ku dhashay Machakos Level 5 Hospital.
Jackline Mwende markii uu nikeeda dhibaatadan u geesanay ma uusan ogeyn inay wax uur ah leedahay wuxuuna labada gacmood kaga jaray inay ma dhaliis tahay!
Laakiin Alle ayaa Jackline Mwende ugu deeqay ubad haatana nolol ka wanaagsan midii shalay ayay ku jirtaa sidoo kalena ninkeeda wuu xiran yahay asigoo dambiile ah xukun sugaayo.
Caasimada Online
Xafiiska Nairobi
Caasimada@live.com
