Sawirro: Farmaajo oo booqasho lama filaan ah ugu tagay Sheekh C/rashiid Cali Suufi

Doha (Caasimada Online)-Madaxwaynaha JFS Maxamed Cabdullahi Farmaajo, ayaa booqasho ugu tagay Sheekh Cabdurashiid Cali Suufi.

Madaxweynaha ayaa booqday Masaajidka uu iimaamka ka yahay Cabdurashiid Cali Suufi oo ku yaala magaalada Doha ee dalka Qadar.

Madaxweynaha, Wafdigiisa iyo Sheekh Cabdurashiid Cali Suufi ayaa si wada jira ugu dukaday masjidka Salaadda Makhrib.

Salaada kadib ayaa waxaa si wada jira loogu duceeyay dalka iyo dadka Soomaaliyeed si uu alle uga dulqaado dhibta heysata.

Sheekh Cabdirashiid ayaa Bulshada Soomaaliyeed ugu baaqay inay Qabsadaan Xariga Alle.

Sheekh Cabdirashiid, ayaa sidoo kale Madaxweynaha ugu baaqay inuu u dulqaato xaalada ka jirta dalka waxa uuna cadeeyay in waxa ka jira dalka uu yahay imtixaan.