Walaac iyo wareer ayaa ka dhashay xaaladda haween Soomaaliyeed oo la tuhmayo inay yihiin dhibanayaasha fal aan la aqoonsan oo ay fuliyeen ciidamada Amisom.
Haweenka oo gaaraya illaa 6, ayaa ah kuw ka ganacsada xerada ugu weyn oo ay Muqdisho ka degan yihiin ciidamada Amisom ee Xalane.
Haweenkan, ayaa waxaa shalay lasoo dhigay albaabka hore ee xerada ayaga oo aan wax miyir ama ogaal ah lahayn, lana ogeyn waxa ku dhacay.
Waxaa jira tuhunno badan oo ku saabsan waxa loo maleynayo inay haweenka Soomaaliyeed ay ku dhaceenn, ayada oo wararka qaar ay sheegayaan inay u badan tahay in daroogo la siiyay ama la sumeeyay.
Haweeney ka mid ah kuwa ka gacansada gudaha xerada Xalane, ayaa sheegtay inay u badan tahay ama ay tuhmeyso in gabdhahan Soomaaliyeed la sumeeyay. Waxa ay codsatay inaan magaceeda la shaacin sababo la xiriir ammaankeeda.
Haweenka ayaa markii dambe loo qaaday Isbital, ayada oo la rajeynayo in warka dhabta ah ee ku saabsan waxa ku dhacay laga helo dhaqaatiirta.
Afhayeenka ciidamada Amisom, ayaa diiday inuu wax faah faahin ah ka bixiyo dhacdadan.
