Muqdisho (Caasimada Online) – Xukuumada Somalia ayaa ka hadashay waddooyinka xiran ee Gobolada dalka, kadib markii ay sii korortay dhibaatooyinka ka dhashay abaaraha.
Wasiirka Wasaarada Gargaarka iyo Maareynta Masiibooyinka ee Xukuumada Somalia Drs Maryan Qaasim Axmed ayaa sheegtay inay furayaan dhamaan waddooyinka xiran.
Wasiirada waxa ay sheegtay inay la socdaan in Xaalad adag ay ka jirto degmada Waajid ee Gobolka Bakool, loona baahan yahay in lala gaaro gargaar degdeg ah.
Wasiirada ayaa sheegtay in wadooyinka soo gala degmada Waajid dhamaantood ay weli yihiin kuwa go’doonsan, isla markaan ay Xukuumadu wado qorsho cusub oo lagu furaayo waddooyinka.
Wasiir Drs Maryan waxa ay sheegtay in ay waxyaabo badan oo murugo leh ay ku soo aragtay degmada Waajid ee Gobolka Bakool isla markaana xaalad adag oo dhanka nolosha ah ay ka jiraan.
DFS ayaa dhawaan Taliska ciidamada AMISOM ku amartay inay isku furaan dhammaan waddooyinka go’doonsan ee ku yaalla deegaanada Koonfur Galbeed.
Caasimada Online
Xafiiska Muqdisho
Caasimada@live.com
