Muqdisho (Caasimada Online) – Xildhibaan Hudda Axmed Cali oo kamid ah xildhibaanada baarlamaanka Soomaaliya ayaa ka hadashay warar sheegaya inay isla guursatay seddex nin.
Arintaan ayaa layaab iyo fajac ku noqotay dad badan oo maqlay sheekada la xiriirta in xildhibaan Hudda ay isla guursatay seddex nin, iyadoo ay kala horeeyeen qaabka ay isku guursadeen.
Balse xildhibaan Hudda oo saxaafada la hadlay ayaa ugu weyn sheegtay in wararkaasi been abuur ay tahay, islamarkaana uu arinta ceebeynteeda uu ka dambeeyay boqorka beesha ay kasoo jeedo, sida ay hadalka u dhigtay.
Xildhibaan HUdda waxay sheegtay inay aad uga xumaatay in boqorka beesha ay kasoo jeedo uu faafiyo ceeb intaasi la eg, sida ay sheegtayna ay la xisaabtami doonto.
Sababta arintaasi ku qasbeysa ugaaskeeda ayay ku sheegtay inay tahay inuu doonayo in ceeb darteed kursiga looga tuuro kadibna uu dad kale ka gato kursiga, sida ay hadalka u dhigtay.
Xildhibaanad Hudda ayaa tilmaamtay iney marar badan isku dayday iney la hadasho Boqorka beesheeda laakiin uu diiday inu joojiyo ceebta iyo fadeexada uu ku hayo.
Ma jiro jawaab laga helayo dhanka Boqorka ay eedeyntaasi u jeedisay xildhibaan Hudda Axmed Cali.
Hoos ka dhageyso wareysiga
Caasimada online
xafiiska Muqdisho
Caasimada@live.com
