Ciidamada DF oo howlgal qorsheysan ku soo furtay dad u afduubnaa Shabab

Afgooye (Caasimadda Online) – Hawlgal qorshaysan oo ay ciidanka Xoogga dalka ay ka fuliyeen deegaano hoos-taga degmooyinka Afgooye iyo Balcad oo ka kala tirsan Shabeellaha hoose iyo dhexe ayay kula wareegeen deegaanada Basra iyo Baqdaadi.

Hawlgalkaas ayaa lagu soo furtay dad shacab ah oo u xirnaa Maleeshiyada Al-shabaab, kuwaas oo hadda dib ula midoobaya ehelkooda.

Ciidanka ayaa deegaanadaas ka wada hawlgallo nabadgalyada lagu xoojinayo, islamarkaana miinooyinka looga saarayo jidadka ay maleeshiyadu gooysay, sida uu SONNA u xaqiijiyey sarkaal sare oo ka tirsan xoogga dalka.

Maleeshiyaad ka tirsan kooxda argagixisada ah ee Al-shabaab ayaa lagu dilay hawlgalka, waxaana looga furtay saanad ciidan.

Caasimada Online
Xafiiska Muqdisho
Caasimada@live.com