Muqdisho (Caasimada Online) – Wasiirka Gaashaandhigga Soomaaliya Axmed Macalin Fiqi ayaa toos u weeraray Madaxweynihii hore Sheekh Shariif, isagoo ugu baaqay in dagaalka uu soo galo oo Afarta Tuulo uu Shabaab ka xoreysto.
“Adeer deegaankaagii ayaa la heystaa ee safka hore soo istaag, Xildhibaan ayaa tahay ee kaalay dagaalka soo gal, dadkaagii ayey Khawaarij ka qoraneysaa ciidan u dagaalama, siyaasigii iyo xildhibaankii deegaanka waa adiga, hadii aadan dagaalka soo gelin oo bulshadii deegaanka aadan la hadlin oo ciidanka iyo dowladda aadan horkicin, sidee deegaankaagii loo xoreynayaa?” Ayuu yiri Wasiirka Gaashaandhigga XFS.
Sidoo kale, Fiqi oo la hadlay Telefishinka Qaranka ayaa sheegay inay ogyihiin siyaasiyiin qandaraas ka soo qaatay dalal shisheeye, kuwaas oo oa soo horjeeda dagaalka Al-Shabaab.
“Waxaa siyaasiyiinta qaar ka halaabay habdhaqanka siyaasadda, qaarkood inay ciidanka caayaan oo dhahaan ma dagaalami karaan iyo waa burburay ciidankii ayey u maleeyaan inay Xasan Sheekh caynayaan,” ayuu yiri Fiqi.
Sidoo kale, Wasiir Fiqi oo aad u amaanay ciidamada macawiisleyda ah ayaa siyaasiyiinta mucaaradka ah ku eedeeyey inay cumaaradnimo ka dhex raadinayaan sida dowladda federaalka ay garab iyo muhiimad gaar ah u siineyso Macawiisleyda.
“Qofkii naga xishoo waaya oo banaanka iskeena waan feydeynaa anaga, waana sheegeynaa waxa uu ku dhaqmayo,” ayuu yiri Fiqi.
Wasiirka ayaa Xildhibaanada ugu baaqay in hadii ay adeegyo bulsho gaarsii waayaan deeganaada laga soo doortay aysan dadkooda ku fiirsan Al-Shabaab oo ay ka xoreeyaan.
Hoos ka daawo