Muqdisho (Caasimada Online) – War hadda nasoo gaaray ayaa sheegaya in qarax xooggan uu ka dhacay wadada u dhaxeysa Garoonka Diyaaradaha iyo Isgoyska KM4 ee magaalada Muqdisho.
Goobjoogeyaal goobta ka dhow ayaa Caasimada Online u xaqiijiyey in qaraxa lala beegsaday Gelato Divino, oo ah goob maqaaxi oo laga cunteeyo, kana soo horjeedo Sahal Terminal, oo u dhow garoonka Aadan cadde.
Xog horudhac ah oo ay heshay Caasimada Online ayaa sheegeysa in qaraxa loo maleynayo inuu fuliyey qof soo xirtay jaakad waxyaabaha qarxa laga buuxiyey, kaasi oo gudaha u galay maqaaxida kadib is-qarxiyey.
Waxaa jira khasaare kala duwan oo isugu jira dhaawac iyo dhimasho, inkasta oo weli aysan caddeyn tirada rasmiga ah.
Faah-faahin naga filo dhowaan Insha Allah.
