Muqdisho (Caasimada Online) – Munaasabad ay DF Somalia kula wareegeysay gaadiidka aan xabada karin, ayaa waxa ay maanta ka dhacay Magaalada Muqdisho ee Caasimada dalka Somalia.
Munaasabadaani ayaa waxaa ka qeybgalay Mas’uuliyiin ka tirsan DF Somalia iyo Saraakiil ka soctay QM, iyadoona inta ay soctay Munaasabada DF Somalia lagu wareejiyay Gaadiidka aan xabadu karin kuwaasi oo kamid ah deeqaha ay QM ugu talo gashay Dowlada Federaalka ah ee Somalia.
Deeqahaani gaadiidka ah ayaa waxaa DF Somalia u gudoomay Wasiiru dowlaha Xafiiska Ra’iisul Wasaaraha Soomaaliya Cabdi-Raxmaan Xirsi Kulmiye, waxa uuna sheegay in deeqahaani gaadiidka aan Xabadu Karin ay kusoo beegmeyso xili ay DF Somalia baahiyo badan u qabtay helida gaadiidka.
Ilaa 5 Gawaarida xabada celiya ah ayay kooban yihiin Baabuurtan la siiyay Maanta Xukumadda, waxaana la sheegay in loogu talagalay in ay isticmaalaan Madaxda dowladda, si Amaankoooda loo xaqiijiyo
Hay’ada Qaramada Midoobay, oo Gawaaridaas ku deeqday waxa ay sheegtay in kaalmadaas ay ka mid tahay barnaamijyada horumarinta ee Soomaaliya.
Dhanka kale, Wasiiru dowlaha Xafiiska Ra’iisul Wasaaraha Soomaaliya Cabdi-Raxmaan Xirsi Kulmiye, ayaa u sheegay Wariyayaasha in ay xukumadda ay ka mahadnaqeyso Gargaarkaas.
Caasimada Online
Xafiiska Muqdisho
[email protected]