DAGAAL culus oo mar kale maanta CIIDAMADA DFS ku dhex-maray MUQDISHO

Muqdisho (Caasimadda Online) – Wararka hadda naga soo gaarayo Magaalada Muqdisho ayaa sheegayo inay halkaas ku dagaalameen ciidamo ka wada tirsan dowladda Soomaaliya.

Isku dhacaan ayaa waxaa kasoo baxayo warar kala duwan oo ku aadan sida uu ku bilowday iyo khasaaraha ka dhashay.

Dad goobjoogyaal ah ayaa sheegay inuu jiro khasaaro soo kala gaaray ciidamado ku dagaalmay Isgoyska Towfiiq ee Magaalada Muqdisho.

Sida la xaqiijiyey waxaa geeriyooday laba askari halka 3 kale ay ku dhaawacmeen dagaalkaas.

Ilaa iyo haatan lama oga waxa sababay isku dhaca ciidamadaan iyada oo sidaan oo kalana ay tira ka dhowr jeer ciidamada dowladdu ay ugu wada dagalameen magaalada Muqdisho.

Isgoyska Towfiiq ee Magaalada Muqdisho ayaa waxaa saldhig ku leh ciidamada Xasilinta Muqdisho oo halkaas ku baaro gawaarida.

Maahan marklii ugu horeysay oo ay Muqdisho ku dagaalaan ciidamada dowladda Soomaaliya, waxaana sabab u ah ciidamadaas oo intooda badan ah kuwa maleeshiyo ah oo aan ka amar qaadan saraakiisha Ciidamada ee Dowladda Soomaaliya.

Magaalada Muqdisho ayaa dhibane u ah qaraxyada Al-Shabaxab iyo is rasaaseynta ciidamada Dowladda Soomaaliya mana jirto ilaa hadda tallaabo sharci ah oo laga qaaday ilaa hadda.

Wixii warar ah ee kusoo kordha waan idinla socodsiin doonaa Inshaa Allah.

Caasimada Online
Xafiiska Muqdisho
Caasimada@live.com