R/W Kheyre oo ku wajahan mid kamid ah Gobolada dalka (Ujeedka)

By Asad Cabdullahi Mataan

Muqdisho (Caasimada Online) – Ra’isul wasaaraha xukuumada Somalia Xasan Cali Kheyre ayaa lagu wadaa in maanta uu galo Safarkii ugu horeeyay ee gudaha dalka.

Kheyre ayaa ku wajahan Magaalada Baydhabo oo qeyb ka ah deegaanada ay saameynta ba’an ku yeesheen abaaraha.

Ra’isul wasaaraha ayaa waxaa ku wehlin doona socdaalka Mas’uuliyiin ka tirsan Madaxtooyada Somalia iyo Guddiga abaaraha kuwaa oo u kuurgali doona xaalada dhabta ah.

Waxaa la adkeeyay amaanka Magaalada Baydhabo ee gobolka Baay, waxaana lasoo sheegayaa in waddooyinka ugu muhiimsan ay yihiin kuwo xiran oo ciidamo lagu daadiyay.

Dhinaca kale, Mas’uuliyiin ka tirsan Koonfur Galbeed ayaa sheegay in U jeedka Safarka Ra’isul wasaaraha uu yahay wax ka ogaanshaha Abaaraha ka jira gobolka Baay.

Caasimada Online
Xafiiska Muqdisho
Caasimada@live.com