Muqdisho (Caasimada Online) – Wararka naga soo gaaraya Xafiiska Wasiirka wasaarada Arrimaha Gudaha ee DF Somalia ayaa sheegaya in Wasiirka wasaarada ay soo gaartay warqad ka socta Dowlada Ethiopia oo uu ku xusan yahay Shaqsiga ay Ethiopia la damacsan tahay Madaxweynaha G/dhexe ee Somalia.
Warqada ayaa waxaa la Tilmaamayaa inuu ku saxiixan yahay Ra’isul wasaaraha dalka Ethiopia Helimaryam taasi oo la soo mariyay Wakiilka Ethiopia ugu magacaaban Somalia, waxaana warqadaasi ku xusan Siyaasiga Axmed Cabdisalaan kaasi oo ay la dooneyso Madaxweynaha G/Dhexe.
Wasiirka Wasaarada ayaa gudoomay Warqadaasi waxaana la sheegayaa in Wasiir Odawaa uu isna taageeray go’aanka ay Ethiopia ku xulaneyso Madaxweynaha Gobolkaasi dhawaan dhidibada loo aasi doono.
Dowlada Ethiopia ayaa saameyn xoogan ku dhex leh Siyaasada Somalia, waxa ayna inta badan gudaha dalka ka hirgalisaa Siyaasadaheeda gaarka ah.
Dhanka kale, DF Somalia ayaa iyana dadaal xoogan ku bixineyso sidii Gobolkaasi looga hirgalin lahaa Maamul ku dhisan Afkaarta Dowlada Ethiopia, bacdamaa ay halkaasi ku sugan yihiin Saraakiil iyo Ciidamo ka socda Ethiopia.
Caasimada Online
Xafiiska Muqdisho
[email protected]