Muqdisho (Caasimada Online) – Ciidamo kawada tirsan dowlada Federaalka ayaa Caawa ku dagaalamay agagaarka beerta Jaadka ee Degmada Hodan.
Israsaaseynta ayaa u dhexeysay ciidamada Hub ka dhigista iyo ciidamo kale oo ka tirsan Militeriga.
Israsaaseynta ayaa timid kadib markii ciidamada Hub ka dhigista ay weerar ku qaaden bar ay ku sugnaayen ciidamada Militeriga oo la qorsheynaayay in Hubka laga dhigo.
Israsaaseynta ayaa waxaa ciidamada Hub ka dhigista looga dilay ilaa laba Askari halka Seddex kalane laga dhaawacay.
Labada Askari ayaa waxaa dilay ciidamada Militeriga oo markii hore ka feejignaa weerar Hub ka dhigis ah oo kaga imaada ciidamada xasilinta magaalada Muqdisho.
Dhinaca kale, weerarkaani ayaa kusoo beegmaaya xili maanta ay ciidamada Xasilinta magaalada Muqdisho weerar ku qaaden ciidamo kale oo ku sugnaa Degmada Wadajir ee Gobolka Banaadir.
Caasimada Online
Xafiiska Muqdisho
[email protected]