Muqdisho (Caasimada Online) Sida uu soo sheegayaan wariyaasha Shabakadda Caasimada Online ee ku sugan xarunta golaha baarlamaanka, waxaa goordhow halkaas ka billowday fadhigga baarlamanka oo maalintii labaad laga dooddayo mooshinka laga keenay raysal wasaaraha Soomaaliya.
Fadhigga waxaa ilaa hadda soo xaadiray in ka badan 200 oo mudane, balse waxaa la filayaa in ay soo kordhaan maadama uu hadda furmay uun.
Si kastaba, shirka oo guddoominaayo guddoomiyaha golaha baarlamaanka Prof Maxamed Cismaan Jawaari, waxaa meesha laga sii wadayaa dooddo ay soo jeedinayaan 83-mudane kuwaasoo isku qoray in ka hadlaan mooshinka ka yaalla raysal wasaaraha.
Xildhibaan kasta waxaa loo oggol yahay in uu hadlo seddax daqiiqo, waxaa shaley hadlay 33-mudane sida uu sheegay guddoonka baarlamaanka.
Ma cadda sida ay wax noqon karaan, wixii ku soo kordha isha ku hay Caasimada Online