Arsenal oo Walcott iyo sideed milyan ku rabta Raheem Sterling.

Asad Cabdullahi MataanBy Asad Cabdullahi Mataan

Arsenal ayaa diyaar u ah inay Liverpool u dirto dalab ay Theo Walcott iyo sideed milyan oo ginni kaga dooneyso xidiga da’da yar Raheem Sterling.

Gunners ayaa maaro u weysay inay qandaraas cusub ka saxiixato Walcott, oo kooxda gadood ka ah.

“Waa muhim inaad ciyaaryahankaada muhimka ah mar walba ceshto laakiin hadii ay dhacdo inaan Walcott iibino, waxaaan ku bedeli doonaa ciyaaryahan, magac weyn leh.” ayuu yiri tababare Arsene Wenger.

Wadahadlo ayaa bilihii dhowaa u socday 23 jirkaan garabka ka ciyaara ee dalka England iyo kooxdiisa Arsenal.

Waxaana la dareensan yahay inay Arsenal Walcott ka dhaadhicin weysay inuu isbuucii Emirates Stadium ka qaato 90 kun oo ginni.

Wararka ayaa intaasi ku daraya in xitta loo gaaray ku dhowaad 100 kun isbuucii inuu mushaar ahaan u qaato, halka uu Walcott doonayey inuu ogaado in Wenger uu ka ciyaarsiinayo booska gool dhaliyaha.

Walcott ayaa ku jiraa sideedii bilood ee ugu dambeysay qandaraaskiisa wuxuuna si xor ah wixii ka bolowda 1da Janaayo ula hadi karaa kooxo kale.

Dhanka kale, Sterling oo 17 jir ah kuna jira 18kii bilood ee u dambeysay qandaraaskiisa Anfield ayaa ah qofka wadahadaladaan lasoo dhex gelinaayo.

Tababaraha Kop Brendan Rodgers ayaa doonaya Walcott laakiin ma uu rabo inuu lumiyo Sterling.

Wuxuu noqday mid ka mid ah ciyaartoydii ugu da’da yaraa ee u safta xulka England markii uu kulankiisii ugu horeeyey u ciyaaray ciyaartii isbuucaan ee Sweden.

Tageerayaasha Arsenal ayaa hadana waxaa ka tegaaya isku xire kale.

Wnger ayaa ku daray: “Haa, Taageerayaashu qaati ayey ka taagan yihiin. Miyaad u maleysaa inaanan qaati ka taagneyn?

“Waxaan doonayaa inaan heysto ciyaartoygeena ugu fiican. Maalin walba waxaan la hadlaa Theo laakiin hal maalin maahan qandaraaskiisu.”

W/Q: Ahmed Jaangoan

E-mail: jangoan@hotmail.com

Caasimada — Somalia.