Muqdisho (Caasimada Online) – Guddoomiyaha baarlamanka Somalia Maxamed Cimaan Jawaari, ayaa shaaca ka qaaday in maanta codka kalsoonida loo qaadi doono ra’iisul wasaare Cabdi Faaraxa Shirdoon Saacid.
Jawaari ayaa hadalkan sheegay ka hor inta aanay xildhibaanada u bixin salaadda duhur, waxaana uu caddeeyey in maanta lagu kala bixi doono arrinta Saacid.
Jawarai ayaa tibaaxay in la dhameyn doono maanta dhammaan doodaha xildhibaanada ee harsan, kadibna la guda geli doono qaadista codka kalsoonida, sida uu ku rajo weyn yahay.
Ra’iisul wasaaraha ayaa ay u badan tahay inuu weyn doono codka kalsoonida, maadaama 170 xildhibaan ay horey u saxiixeen mooshinka ka yaalla baarlamanka.
Labadii maalmood ee lasoo dhaafay ayuu baaqday codka, sababo la xiriira xildhibaano badan oo weli aan hadlin, mana cadda haddii sidaas oo kale maanta ay dhici doonto iyo in kale.
Wixii soo kordha ha ka dheeraan Caasimada Online insha allah
Caasimada Online
Xafiiska Muqdisho
[email protected]