Muqdisho (Caasimada Online) – Weerar la sheegay inuu ahaa Ismiidaamin ayaa waxa uu goordhow ka dhacay magaalada Muqdisho ee caasimada Somalia.
Weerarka oo ahaa mid intiisa badan laga maqlay magaalada Muqdisho ayaa waxa uu ka dhacay meel u dhow dekeda Muqdisho ee degmada Xamar Jajab.
Warar hordhac ah ayaa sheegaya in weerarka lala beegsaday Maqaaxi ku taal Isgoyska Sheelaro oo ku dhow Dekeda Muqdisho.
Weerarka kadib ayaa waxaa la maqlaayay rasaas xoogan oo ay ridayeen ciidamada eryadaasi ku sugan.
Khasaare isugu jir dhimasho iyo dhaawac ayaa ka dhashay Qaraxan, sida ay inoo sheegeen dad Goobjoogayaal ah, inkastoo khasaaraha rasmiga ah aan la ogeyn.
Waxaa iminka la maqlayaa dhawaqa gaadiidka Gurmadka oo ku qulqulaaya goobta uu Qaraxa ka dhacay.
Caasimada Online
Xafiiska Muqdisho
Caasimada@live.com
- Advertisement -