DF iyo Somaliland oo uu shir uga furmayo Addis-Ababa

Addis-Abab (Caasimada Online) – Shir ku saabsan arrimaha mamaulka hawada Somaliya ayaa lagu wadaa in dowladda Federaalka iyo mamaulka Somaliland uga furmayaa dhawaan dalka Ethiopia.

Wasiirka duulista hawada Somaliland, Farxaan Aadan Heybe, oo Wariyaasha kula hadlayay Garoonka Cigaal isagoo kusii jeeda Ethiopia ayaa sheegay in Kulanka diirada lagu saari doono maamulka Hawada.

“Aniga iyo wafdi ka socda Wasaaradda duulista waxaan wahadal rasmi oo maamulka hawada kula qaadan doonaa dalka Eithiopia wafdi wasiiro oo ka socda dowladda Somaliya,” ayuu yiri Heybe.

Heybe ayaa rajo ka muujiyay in la isku fahmii doono wahadaladda Ethiopia ka dhacaya, oo ujeedkoodu yahay inay kasoo baxdo natiijo wax ku ool ah, oo labada dhinac si wadajir ah heshiis uga gaaraan arintan.

Wuxuu xusay in Somaliland ay rabto in hawada dalka si wadajir ah loo wada maamullo, oo cidna si gaar u noqon, isagoo intaasi ku daray in haddii taasii dhicii wayso ay maamulan doonaan hawadooda.

Dhanka Dowladda Federaalka Somaliya wali ma aysan shaacin inay dalka Ethiopia wadahadal ku saabsan arrimaha mamaulka hawada kula yeelanyso wafdi ka socda maamulka Somaliland.

Dowladihii ugu dambeeyay ee dalka, gaar ahaan maamulladii Xasan Sheekh iyo Sheekh Shariif ayaa Somaliland wahadallo ku saabsan maamulka hawada dalka Turkiga, kuwaasi oo fashil ku dhamaaday.

Hay’adda Duulista rayidka QM ee ICAO ayaa lagu wadaa inay sanadka 2018 si rasmi ah ugu wareejiso Dowladda Federaalka Somaliya maamulka hawada dalka, kadib markii ay maamulaysay tan iyo 1993.

Wasaaradda Duulista Hawada Xukuumadda Federaalka, ayaa dhawaan shaacisay inay lasoo wareegayso maamulka hawada, iyadoo Garoonka Diyaaradaha Muqdisho lagu rakibay qalabkii lagu maamuli lahaa.

Caasimada Online
Xafiiska Muqdisho
caasimada@live.com