Muqdisho (Caasimada Online) – Xildhibaan Cali Khaliif Galeyr oo ka tirsan baarlamaanka intooda difaaceysa Ra’iisul wasaare Saacid Farax Garaad ayaa waxa uu sheegay mid aan la aqbali karin in baarlamaanka diideen codsigii Saacid Farax.
Cali Khaliif ayaa waxaa uu sheegay in marna aan loo fadhiyin inay baarlamaanka Soomaaliyeed xukuumad ay eedeyn usoo jeediyeen hadana u diidaan inay is difaacdo taasi oo uu ku sheegay mid ka maran siyaasada dunida.
” Walikeed lama maqal xukuumad la leeyahay waa eedeyneynaa haddana madaxii xukuumadaasi la eedeynayo loo diido inuu is difaaco” ayuu yiri Galeyr.
Dhinaca waxaa uu sheegay inay beesha caalamka il gaar ah ku eegayaan waxa ka dhex socda baarlamaanka Soomaaliya iyo go’aanka ay maanta qaateen, waxaana u sheegay inay shacabka Soomaaliyeed iyo baarlamaankaba ay eedi doonaan go’aankaasi.
” Caalamka waxa uu inaga doonayaa maamul wanaag, waxaana la eedi doonaa go’aanka maanta baarlamaanka ku diiday inay xukuumada is difaacdo. Waana la eedi doonaa arrintaasi la sameeyey” ayuu yiri Cali Khaliif Galeyr.
Baarlamaanka Soomaaliya ayaa maanta cod aqlabiyad ah ku diiday inuu Ra’iisul wasaare Saacid Farax Garaad horyimaado baarlamaanka oo uu iska difaaco eedeynta loo soo jeediyey.
Halkan ka dhageyso codka Cali Khaliif
Isha: K24