Ciidmada booliska Soomaaliya ayaa ballan qaaday in ay si buuxda uga shaqeyn doonaan xaqiijinta amniga inta lagu jiro bisha barakeysan ee Ramadan
Gen. Maxamed Cumar Madaale, oo ka ah saraakiisha ugu sarsareysa ciidamada booliska Soomaaliya lana hadlay barnaamijka Tubta Nabadda, ayaa sheegay in la diyaariyey ciidamo si heer sare ahu tababaran oo loogu talagalay in ay ilaaliyaan amniga shacabka Soomaaliyeed ee gudanaya waajibaadka bisha barakeysan ee Ramadan.
Madaale, waxa uu sheegay in boooliska uu horumar ka sameeyey sugidda amniga magaalada, ayna u suuragashay in ay ka hortagaan weeraro badan oo la doonayey in lagu soo qaado shacabka Soomaaliyeed
Dhinaca kale Ergayga gaarka ah ee Qaramada Midoobay u qaabilsan Soomaaliya, Amb. Michael Keating, ayaa shacabka Soomaaliyeed ugu hambalyey munaasabadda bisha barakaeysan ee Ramadan
Keating waxa uu xusay in xilliga lagu jiro Bisha Ramadan loo baahan yahay in laga faa’iideysto sidii loo hirgalin lahaa cafinta iyo dib uheshiisiinta
Halkaan ka dhageyso barnaamijka Tubta Nabadda
- Advertisement -