Muqdisho (Caasimada online) Dowlada Soomaaliya ayaa sheegtay in maalinta Barito ah uu ka furmayo magaalada Muqdisho Shir looga hadlayo arimaha siyaasadda dalka , iyo sida isbadal nabadeed lagu heli karo , kaas oo ay ka qeyb galayaan guud ahaan bulshada Soomaaliyeed.
Cabdi kariin Xuseen Guuleed , Wasriirka arimaha gudaha iyo amniga qaranka Xukuumadda Soomaaliya ayaa maanta wuxuu warbaahinta u sheegay inay Muhiim tahay ka qeyb qaadashada bulshada Soomaaliyeed ee Shirka bari ka furmaya Muqdisho.
Waxyaabaha kulankaasi looga hadlayo ayuu shaaca ka qaaday inay ka mid yihiim arimaha Dastuurka, Nidaamka Federaalka, Arimaha Dib u heshiisiinta iyo waliba qorshayaasha dowlada Soomaaliya ee seddeda sano.
Shirkan ayaa sidoo kale waxaa ku xigi doona shir kale oo loo qabanayo Culimada Soomaaliyeed kaas oo ujeedkiisu uu yahay sidii bulshada Soomaaliyeed looga wacyi galin lahaa Fikrado qaldan oo sida wasiirka uu sheegay loo adeegsanayo qaab diimeed.
Wuxuu sheegay Guuleed, inay muuqaneyso in qolyo gaar ah ay diinta qaab qaldan u fasireen isla-markaana loo baahan yahay in culimada Soomaaliyeed ay doorkooda qaataan nabadeynta iyo hogaaminta Umadda Soomaaliyeed.
Waxaa jira siyaasiyiin iyo waxgarad dhaliilsanm qaabka dowladu ay wax ku dooneyso , inkastoo qaarna ay soo dhaweynayaan isla-markaana ay kuu sheegayaan inaysan jirin wado kale oo iminka nabada Soomaaliya lagu soo dabaali karo.
Halkaan ka dhageyso Wasiirka arimaha Gudaha iyo amniga qaranka
Caasimada online
Xafiiska Muqdisho