Muqdisho (Caasimada Online) Waxaa goordhow xarunta golaha shacabka ka billowday fadhi xasaasi ah oo ay lee yihiin xildhibaannada baarlamaanka.
Sida qorshaha ahaa shalay fadhigga maanta ayaa looga dooddayaa mooshin laga keenay raysal wasaaraha Soomaaliya, kaasoo shaley loo qaybiyay xildhibaannada.
Mooshinka raysal wasaaraha ka yaalla ayaa lagu damacsan yahay in lagu rido oo xafiiska uu baneeyo.
Guddoomiyaha Baarlamaanka Prof Maxamed Cismaan Jawaari oo shaley shir guddoominayay fadhigga ayaa furay kulanka maanta oo iminka socda.
Kulanka maanta waxaa lagu dhageesan doonaa xildhibaanno gaaraya ilaa 80 mudane kuwaasoo soo bandhiggi doona wax yaabaha ay ku dhaliilsan yihiin raysal wasaaraha.
Magaalada Muqdisho, waxaa tan iyo xaley ka socday kulamo looga hadlaayo mooshinka raysal wasaaraha ka yaalla baarlamaanka, waxaana kulanka maanta aad loogala socdaa xafiisyada madaxweynaha iyo raysal wasaaraha oo mid kasta uu saameen ku yeelan doono go’aanka uu baarlamaanka gaaro.
Caasimada Online
Xafiiska Wararka Muqdisho