Muqdisho (Caasimada Online) – Madaxweynaha Somalia Maxamed C/llahi Farmaajo ayaa ka hadlay wada shaqeynta kala dhexeysa Ra’isul wasaaraha Xukuumada iyo Golihiisa wasiirada.
Farmaajo waxa uu sheegay inuu aad u wanaagsan yahay xiriirka kala dhexeeya Kheyre waxa uuna sheegay in awood ahaan uu isaga u dhigmo.
Farmaajo waxa uu tilmaamay in go’aanka uu gaaro Kheyre uu yahay mid aan ka hadal laheyn, waxa uuna cadeeyay inuu aqoonsan doono go’aankaasi.
Madaxweyne Farmaajo waxa uu cod dheer ku sheegay inay ka go’an tahay inuu sii wado xiriirka kala dhexeeya Kheyre waxa uuna carab dhabay inuusan aqbali doonin go’aan waliba oo looga soo horjeedo Ra’isul wasaaraha.
Waxa uu sheegay in Somalia uu ragaadiyay muran iyo Khilaaf waxa uuna cadeeyay inaan loogu imaan doonin Khilaaf dhexmara isaga iyo Kheyre.
Waxa uu soo hadalqaaday wada shaqeynta kala dhexeysa Golaha Wasiirada, waxa uuna tilmaamay in wixii la xiriira shaqo ay la shaqeyn doonaan Ra’isul wasaaraha, halka wixii laga marmi waayana ay kawada shaqeyn doonaan.
Sidoo kale, waxa uu sheegay inay adkaan doonto inuu aqbalo Wasiir kasoo gudba Ra’isul wasaaraha, maadaama howlahaasi uu isaga qaabilsan yahay.
Dhinaca kale, Madaxweynaha ayaa Golaha Wasiirada ugu baaqay inay gutaan waajibaadkooda shaqo oo ay u hayaan Shacabka.
Caasimada Online
Xafiiska Muqdisho
[email protected]