Cadaado (Caasimada Online) – Waxaa goordhow magaalada Cadaado ee xarunta KMG maamulka Galmudug gaaray wafdi ballaaran oo uu hogaaminaayo Madaxweynaha Somalia Maxamed C/llaahi Farmaajo.
Wafdiga Madaxweynaha ayaa isugu jira Wasiiro, Xildhibaano iyo Siyaasiyiin oo ka qeybgali doona munaasabada Caleemasaarka Hogaamiyaha Galmudug Axmed Ducaale Geele Xaaf.
Guddoomiyaha Gobolka Banaadir Taabid Cabdi Maxamed ayaa kamid ahaa Wafdiga Madaxweynaha, waxa uuna ka qeybgali doonaa Caleemasaarka.
Madaxweynaha ayaa waxaa Garoonka Cadaado ugu sii diyaarsanaa Hogaamiyaha maamulka Galmudug, Wasiiro, Xildhibaano iyo Xubno ka tirsan wakiilada Beesha Caalamka.
Madaxweynaha ayaa la filayaa inuu khudbad ka jeedin doono Caleemasaarka, waxa uuna sifeyn doonaa sida ay u garab taagan yihiin maamulka Galmudug.
Dhinaca kale, waxaa caleemasaarka khudbad ka jeedin doona Hogaamiyayaasha maamul Goboleedyada ee xaadirka ku ah magaalada Cadaado.
Caasimada Online
Xafiiska Cadaado
[email protected]