Garoowe (Caasimada Online) Madaxweynaha Maamulka Puntland, Cabdiraxmaan, ayaa markii ugu horreysay ka hadlay in uu ka mid yahay musharrixiinta u taagan doorashadda maamulka Puntland.
Faroole oo saxaafadda uu warramaay ayaa ka hadlay arrimo badan oo ay ka mid tahay qorshaha uu damacsan yahay haddii mar labaad uu xafiiska qabto.
Wuxuu isku sifeeyay qof aan xukunka jeceleyn balse markii uu arkay arrimo badan uu go’aansaday in uu mar labaad isku soo taago doorashadda Puntland oo lagu wado in ay dhacdo bisha Janaayo ee sannadka dambe.
Wuxuu yiri “Waxaan go’aansaday in aan mar labaad isu soo taago doorashada madaxtinimada Puntland, Dastuurku wuxuu qorayaa in qofku madaxweyne isu taagi karo labo jeer…”
Ballaan qaad uu sameeyay haddii uu ku guuleesto doorashadda
Wuxuu balanqaaday inuu uga faa’iideyn doono khibradiisa maamul & Waayo aragnimadiisa shaqo dadkiisa & dalkiisa isla markaana uu ku haminayo inuu hawl gab noqdo iyadoo umada Soomaaliyeed mid ah soona ceshatay sharaftii & karaamadii ay ku lahayd aduunka.
“… Waxaan ku haminayaa in aan ku hawl gabo Soomaaliya oo mid ah, is jecel oo nidaamkii lagu heshiiyey ee federaalku uu dhamaystirmo oo meel walba state ka dhismo danaha deegaankooda & horumarkoodana hanta …” Ayuu yiri Madaxweyne Faroole.
Faroole ayaa soo hadal qaaday mashaariic uu qabtay intii uu xafiiska joogay.
Madaxweyne Faroole ayaa tilmaamay in uu qabtay wax yaabo fara badan oo ah xagga horrumrka , wuxuu tusaale u soo qaatay dhismaha garoomo diyaarad sida Gaalkacyo, Garoowe,Boosaaso iyo wadooyin ay dhiseen.
Wuxuu ka hadlay arrimaha Soomaaliya
Madaxweyne Faroole ayaa sheegay in siyaasada Soomaaliya ay gashay weji cusub iyadoo loo gudbay dowlada rasmi ah waxaana hada dadaal & dagaal siyaasadeed u baahan sidii loo hirgelin lahaa nidaamka federaalka loona meel marin lahaa Dastuur rasmi ayuu yiri.
Dhoola tuska uu sameeyay Faroole ayaa ku soo aadaya iyadoo ay soo kordheen musharrixiinta isku soo taagay doorashadda maamulka Puntland.
Caasimada Online
Xafiiska Wararka Muqdisho