Minneapolis (Caasimada Online) – Wararka naga soo gaaraya magaalada Minneapolis ee gobalka Minnesota ayaa sheegaya in halkaas lagu dilay ganacsade Soomaaliyeed oo caan ah.
Ganacsadahan oo lagu magacaabi jiray Fu’aad Axmed Cali Mirre, wuxuu ku dhintay rasaas ay ku fureen kooxo dabley ah.
Dilka marxuumkan oo ka dhacay xaafad ku taalla magaalada Minneapolis waxaana ka naxay dadka Soomaalida ee ku nool magaalada.
Marxuumka ayaa la sheegay in uu udhintay dhaawacii soo gaaray. Waxaana da’diisa lagu sheegay 35 jir waa aqoon yahan ah ka baxay Jaamacada University of Minnesota. Wuxuu magaalada Minneapolis ku lahaa dhowr ganacsi oo kala duwan.
Allaah ha u naxariisto marxuum Fu’ad wuxuu ifka uga tagay sadex carruur ah iyo xaaskiisa oo uur leh.
Marxuumka waxaa la aasayaa maalinta Jimcaha. Waxaa lagu aasayaa qabuuraha Burnsville oo ay ku aasanyihiin Soomaali badan.
Ma ahan dilkii ugu horreeyay ugu horreeyay ee ka dhacay Minneapolis, waxaana la sheegayaa in falalka noocan oo kale ay ku soo bateen magaalada.
Minnapulis waa magaalada ay ku badan tahay Soomaalida ku nool dalka Maraykanka.
Caasimada Online
Xafiiska Wararka Washington DC