Gaalkacyo (Caasimada Online) – Warar dheeraad ah ayaa kasoo baxaya wadahadalada la filayo iney ka dhacaan magaalada Gaalkacyo ee gobolka Mudug, kuwaasi oo u dhaxeeya Galmudug iyo Puntland.
Kulan gaar ah oo u dhaxeeya ergayga QM u qaabilsan Soomaaliya iyo madaxweynaha Galmudug ayaa ka dhacay magaalada Gaalkacyo, waxaana kulankaasi ka horeeyay mid dhex maray C/Welli Gaas iyo Micheal Keating.
Labada masuul ayaa kulankooda gaarka ah waxay kaga wadahadleen arimaha shirarka gaalkacyo ka dhacaya iyo amaanka magaalada.
Dhinaca kale ra’iisul wasaaraha dalka Soomaaliya Cumar C/rashiid Cali ayaa tagay koofur magaalada Gaalkacyo oo uu ka arimiyo maamulka Galmudug.
Ujeedada ayaa waxay tahay inuu la kulmaa madaxweynaha Galmudug C/kariin Guuleed isaga oo kala hadlaya arimaha dagaalka iyo sidii xal waara looga gaari lahaa.
Caasimada Online
Xafiiska Mudug
[email protected]