Muqdisho (Caasimada Online) – Ra’isul wasaaraha xukuumada Somalia Xasan Cali Kheyre ayaa ku dhawaaqay in dowlada Somalia ay ahmiyada koowaad siineyso dadka shacabka ah.
Ra’isul wasaare Xasan Kheyre oo khudbad ka jeedinayay magaalada Qardho ee gobalka Bari ayaa ku dhawaaqay in awooda dalka loo gacan galin doono dadka shacabka ah.
“Waxaan hortiina ka cadeynayaa in wixii maanta ka danbeeya awooda dalka loo gacangalin doono shacabka Soomaaliyeed oo aan kala sooc laheyn”
“Dowladu waxa ay raacda shacabka shacab aan awood laheyn waa dal aan awoodiisa muuqan, waa inaanu shacabka ku wareejinaa awoodooda”
Kheyre, waxa uu sheegay in ay soo labatay rajadii umadda Soomaaliyeed waxaana uu ka digay in la dhagaysto dadka dhahay Soomaaliya waa ay burburtay waana adagtay in ay soo laabato.
“Kuwa sidaa dhahaaya waxaanu ka adeejin doona muwaadiniinta diyaarka u ah dhisida dalkooda meel waliba waxanu ku buuxin doonaa kuwa wanaagsan ee u danqanaaya dalkooda”
Sidoo kale, Kheyre ayaa sheegay in dowlada iyo maamulada jira ay talo waliba la wadaagi doonaan dadka shacabka ah.
Haddalka Kheyre ayaa u muuqanaaya mid lagu doonayo in lagu soo nooleeyo rajada shacabka Shacabka Soomaaliyeed oo sanadihii danbe aheyn mid burburtay.
Caasimada Online
Xafiiska Muqdisho