Madaxweyne Farmaajo oo mar kale ku celiyey hal arrin oo dowladiisa xoogga saareyso

By Asad Cabdullahi Mataan

Muqdisho (Caasimada Online)-  Madaxweyanaha Jamhuuriyada Federaalka ah ee Soomaaliyeed Mudane Maxamed C/llahi Farmaajo ayaa ka Warbixiyey Kulan uu  la qaatay Xogahayaha Guud ee Qaramada  Midoobay iyo Wafdi uu hogaaminayey.

Madaxweynaha ayaa sheegay in Kulankooda ay uga wada hadleen xaalada abaaraha ee ka jira Dalka Soomaaliya asaga oo xusay in ay xaalada abaaraha siinayaan Ahmiyada kowaad si loo badbaadiyo dadka ay abaaraha Saameeyeen.

Madaxweynaha ayaa xusay in ay dowladiisa Muhiimada gaar ah siineyso caawinaad dadka ay aabaraha saameeyeen asaga oo xusay in Qaramada midoobayna ay ku gacan siineyso taakuleynta Dadka ay abaaraha Saameeyeen.

Dhanka kale Xogahaya Guud ee Qaramada Midoobay ayaa booqanayo magaalada Baydhabo ee gobolka Baay iyadoo ay magaaladaas iminka ka socdaan diyaar garow lagu soo dhaweynayo Xoghayaha Guud ee Qaramada Midoobay.

Caasimada Online
Xafiiska Muqdisho
Caasimada@live.com