Ra’iisul wasaare Kheyre oo dhagax dhigay xarunta Hay’adda Socdaalka & jinsiyadaha

By Asad Cabdullahi Mataan

Muqdisho (Caasimada online)- Ra’iisul wasaaraha Soomaaliya Xasan Cali Kheyre ayaa dhagax dhigay xarun cusub oo ay ku shaqeyneyso Hay’adda Socdaalka iyo Jinsiyadaha Soomaaliya.

Dhagax dhigaasi ayaa waxaa ku wehliyay Ra’iisul wasaaraha wasiiro ka tirsan xukuumadii Cumar C/rashiid kuwaasi oo wali aan la keenin wasiiradii badali lahaa.

Ra’iisul wasaaraha dalka ayaa sheegay in xaruntan cusub ay dalka  kusoo kordhin doonto waxyaabo badan, maadama baahi badan loo qabo arimaha socdaalka.

Wuxuu sidoo kale sheegay in shacabka Soomaaliyeed ay ka heli doonaan faa’idooyin badan oo ay ugu horeyso inay si sahal ah ku helaan adeegyada ay u baahan yihiin.

Dhagax dhiga lagu sameynayo xafiiska cusub ee ay ku shaqeyneyso Hay’adda Socdaalka ayaa waxaa ka qeyb galay guddoomiyaha gobolka Banaadir ahna Duqa Muqdisho.

Hayadda ayaa hadda ku shaqeyso dhismo ku yaala waddada Shaqaalaha ee magaalada Muqdisho
Caasimada Online
Xafiiska Muqdisho
Caasiamda@live.com