Baydhabo (Caasimada Online) – Ra’iisul wasaaraha xukuumadda Soomaaliya, Xasan Cali Khayre ayaa saacadaha soo socda ku wajahan gudaha magaalada Xudur ee xarunta gobolka Bakool.
Qaban qaabo iyo soo dhoweyn lagu jiro Ra’iisul wasaaraha ayaa hadda ka socota magaaladaasi.
Dadweyne fara badan oo sita boorar lagu xardhay sawirka Ra’iisul wasaare Xasan Cali Khayre ayaa isugu soo baxay waddooyinka magaalada Xudur.
Ra’iisul wasaaraha Soomaaliya ayaa la filayaa in goob fagaare ah uu kula hadlo dadkaasi, sidoo kalena uu booqdo xarumaha ciidamada iyo goobaha muhiimka ah ee ku yaalla degmadaasi.
Wararka ayaa intaasi ku daraya in Ra’iisul wasaaruhu uu dhagax dhigi doono mashaariic horumarineed oo laga fulinayo halkaasi.
Ammaanka ayaa loo adkeeyey, iyaoo ciidamo dheeraad ah lagu arkayo jidadka magaalada, maadaama booqashada Ra’iisul wasaare Khayre ay tahay tii ugu horreysay ee gobolka Bakool.
Caasimada Online
Xafiiska Baydhabo
caasimada@live.com
