Garoowe (Caasimada Online)-Mucjisadani ayaa waxaa lagu arkay deegaan ka tirsan degmada Qardho ee Gobolka Bari, kadib markii dadka deegaankasi ay indhaha ku furteen jeexdin waaweyn oo ka jeexmay dhulka.
Dadka deeganka ayaa sheegay in jeexdin ay tahay mid ku cusub isla markaana aan horay loogu arag degmada iyo nawaaxigeeda.
Dhulka ayaayeeshay jeexdimo godad ah oo suuru galin kara inay lixdo gaadiidka iyo dadka.
Dadka ayaa kusoo xoomay jeexdinta waaweyn ee uu dhulka yeeshay waxa ayna mucjisadaani ka dhacday meel u dhow magaalada.
Dhulka ayaa kala qeybsamay waxa ayna dadka deegaanka sheegen inaanu la socon xiliga uu dhulka sidaa noqday, maadaama wax waliba ay horay u arki jireen.
Mucjisadani ayaa keentay cabsi weyn oo dadku degaankaasi gashay, waxaana la soo sheegayaa in qoysaska qaarkood ay deegaanka isaga baxeen.
Si dhaba looma oga sababta ka danbeysay in dhulka uu kala tago.
