Muqdisho (Caasimada Online) – Waxaa dhawaan lagu wadaa in dib u dhis ballaaran lagu sameeyo Xarunta Golaha Shacabka baarlamaanka Somalia, ee magaalada Xamar.
Dib u dhiska Xarunta ayaa waxaa sameyn doona dowlada Turkiga oo iyadu saxiixday ballanqaad dhigaaya inay dhiseyso Xarunta isla markaana qalabeyn doonto.
Qoraal kasoo baxay Safaarada Turkiga ee magaalada Muqdisho ayaa waxaa lagu sheegay in la bilaabayo dib u dhiska xarunta Baarlamaanka Somalia ee magaalada Muqdisho.
Danjiraha Turkiga ee Somalia Olgan Bekar, ayaa sidoo kale mas’uuliyiin ka tirsan Guddoonka Sare ee BFS ku wargaliyay in gudaha sanadkan uu bilaabanayo mashruucii dib u dhiska Baarlamaanka Soomaaliya.
Ballanqaadka dhismaha Xarunta ayaa daba socda, ballanqaad uu 2012 sameeyay Wasiirkiii hore ee arrimaha dibadda Turkiga Ahmet Devatoglu sanadkii.
