Kismayao (Caasimada Online) – Taliyaasha Ciidanka Booliska maamulka Jubbaland iyo kan AMISOM ayaa maanta kormeer ku tegay hoolka loogu talagalay in ay ka dhacdo doorashada madaxtinimo ee maamulkaas.
Col. Maxamed Naasir oo uu wehlinayay iyo taliyaha Booliiska Amisom qeybta Jubbaland ayaa Maanta soo indha-indheeyay xaaladda amni ee goobta loo cayimay in ay ka dhacdo doorashada iyo sida masuuliyaddooda uga gudan lahaayeen talisyadaan.
Xarunta lagu qabanayo doorashadu waxa ayaa ku taalla kasoo horjeedka xarunta Baarlamaanka maamulka Jubbaland Ex-Caymiska ee Magalada Kismaayo.
Xaruntan ayaa ammaankeeda waxaa sugaya Booliiska Jubbaland halka ay ciidamada Booliiska Amisom ku soo biiri doonaan maalinta ay dhaceyso doorashada.
- Advertisement -