Hargeysa (Caasimada Online) – Wararka naga soo gaaraya Magaalada Burco ee Gobolka Togdheer, ayaa sheegaya in halkaasi ay ku dhinteen ilaa laba ruux.
Labadani ruux ayaa ku dhintay Xabsiga weyn ee Magaalada Burco, waxaana la tilmaamay inay sababsadeen xanuunka Shuban Biyoodka.
Goobaha caafimaadka ayaa waxaa sidoo kale saaka la dhigay inkabadan 52 Ruux oo kamid ahaa maxaabiista kuwaa oo uu ku dhacay xanuunka shuban biyoodka.
Saraakiisha Xabsiga Magaalada Burco ee Gobolka Togdheer ayaa saxaafada u xaqiijiyay in labo ruux ay Xabsiga ugu dhinteen Xanuunka Shubanka.
Waxa ay sheegen inay suuragal tahay in maxaabiis kale ay maraan wadadaasi, haddii aan xal loo helin.
Si kastaba. Saraakiisha Xabsiga ayaa iminka ku howlan daad gureynta meydadka iyo bukaanada kale ee ku dhex xanuunsaday Xabsiga.
Caasimada Online
Xafiiska Muqdisho
[email protected]