Muqdisho (Caasimada Online) – Waxaa magaalada Muqdisho ee caasimada Somalia dib ugu soo noqday Weriyaha Siyaasiga isku bedelay Fahad Yaasiin oo saaxiib dhow la ah Madaxweynaha Somalia Maxamed C/llahi Farmaajo.
Fahad Yaasiin oo waayadani ku maqnaa magaalada Nairobi ee xarunta dalka Kenya ayaa la sheegay in imaanshihiisa ay timid kadib markii uu u yeeray Madaxweynaha Somalia.
Warar lagu kalsoon yahay oo laga helayo Villa Somalia ayaa sheegaya in ujeedka soo laabashada Fahad Yaasin ay la xiriirto magacaabida xil cusub, oo beri loo magacaabi doono.
Fahad Yaasiin ayaa lagu wadaa in loo magacaabi doono xilka Agaasimaha Madaxtooyada, waxaana la sheegay in magacaabida xilkaani ay ka danbeysay kadib markii uu sheegay inuu shaqada ka tagayo agaasimaha hadda jira ee Abuukar Baale.
Abuukar Baale ayaa isla berri loo magacaabi doonaa safiirka Soomaaliya ee xarunta QM ee magaalada New York.
Fahad Yaasiin ayaa kamid ahaa shaqsiyaadka Madaxweynaha ku garab istaagay doorashada, waxa ayna hadal heynta ugu badan ay tahay in xiligii doorashada uu ahaa mas’uulkii Farmaajo u qaabilsanaa dhaqaalaha ololihiisa oo markii danbe guusha isku bedelay.
Magacaabista ayaa lagu dhawaaqi doonaa beri, sida ay sheegeen ilo-wareedyo ka tirsan madaxtooyada.
Caasimada Online
Xafiiska Muqdisho
[email protected]