Muqdisho (Caasimada Online) – Wararka laga helaayo dhanka Hotel Jazeera ee Magaalada Muqdisho, ayaa sheegaya in halkaasi uu Habeenimadii xalay ka kacay dab xoogan oo Khasaaro kala duwan dhaliyay.
Dabka ayaa la tilmaamayaa inuu ka dhashay Koronto, iyadoona dabka marka uu bilowday ay halkaasi gaaren gaadiidka dab demiska ee ka hawlgala Magaalada Muqdisho, waxaana suuragashay in Saacad iyo bar kadib lagu guuleysto daminta dabkaasi.
Dabka ayaa xoogiisa wuxuu ka kacay meel aan ka fogeyn Hotelka Jazeera ee magaalada Muqdisho, waxaana uu kacay abaaro 02:00 habeenimo walow markii dambe lagu guuleystay in dabkaasi la damiyo.
Ma jiro Qasaaro dhimasho iyo dhaawac ka dhashay dabkaasi ka kacay meel aan ka fogeyn hotelka Jazeera ee magaalada Muqdisho, laakiin daminta dabkaasi ka qeyb qaatay gaadiidka dab damiska ee maamulka gobolka Banaadir iyo kuwo si gaar ah loo leeyahay.
Caasimada Online
Xafiiska Muqdisho
[email protected]