Muqdisho (Caasimadda Online) – Axmed Jaamac oo ah Milkiilaha Maqaayadda The Village ee Magaalada Muqdisho ayaa dacwad deg deg ah u gudbiyey Qaramada Midoobay, gaar ahaa wakiilkeeda Soomaaliya Micheal Keating
Axmed Jaamac oo ay Maqaayadiisa xanibaad saartay Qaramada Midoobay ayaa dacwad isugu jirtay cabasho iyo walbahaar u diray Qaramada Midoobay kadib markii laga joojiyey shaqaalaha UN-ka inay ka cunteeyaan maqaayadiisa oo ku taal Garoonka Diyaaradaha Aadan Cadde International.
Go’aanka Qaramada Midoobay ayuu Milkiilaha ku tilmaamay inuu yahay mid laga naxo, wuxuuna ka dalbaday inay si deg deg ah go’aankaas uga noqdaan kaasoo dhibaato weyn ku ah ganacsigiisa.
Wuxuu tilmaamay in tan iyo markii digniintaas lasoo saaray ay maqaayadiisa la kulmeyso hoos u dhac weyn oo xagga Macaamiisha iyo ganacsiga ah, isagoo qaramada Midoobay ka dalbaday inay baaritaan rasmi ah ku sameyso sababta keentay in maqaayadiisa si gaar ah loo bartilmaameedsado.
Waraaqdaa uu Milkiilaha The Village u diray Xafiiska Qaramada Midoobay wuxuu sidoo kale la wadaagay Madaxda ugu sareyso dowladda Soomaaliya iyo guddoomiyaha Gobolka Banaadir Thaabit Cabdi Maxamed.
Haddaba halkaan hoose ka akhriso waraaqdaas oo ku qoran luuqadda Ingiriiska
