Muqdisho (Caasimada Online) – Madaxweynaha Jamhuuriyada Federaalka ah ee Somalia Maxamed C/llahi Farmaajo, ayaa cadeeyay mowqifkiisa ku aadan Siyaasada DFS.
Farmaajo waxa uu sheegay in dowladiisa ay ka mideysan tahay Siyaasada, Wada shaqeynta iyo Kala danbeynta.
Waxa uu sheegay inay adag tahay inuu la shaqeeyo xubno aan u hogaansaneyn awaamirta waxa uuna ku baaqay in mas’uuliyiinta aaminsan inaan la daraaseyneynin Siyaasadooda ay dib isugu laabtan.
”Qorshaheena waa inaan mideyno Siyaasada dalka waxa ay taa hirgaleysaa goortii aan ku midowno Siyaasad hal mowqif leh”
”Wey muuqataa waxa uu mowqifkeenu yahay waa inaan ku mideysanahay Siyaasada, Dagaalka, Dhaqaalaha iyo wax waliba oo laf dhabar u ah dalka”
Farmaajo waxa uu sheegay inay adkaan doonto in dowladiisa uu kasii mid noqdo shaqsi ka mowqif duwan, waxa uuna cadeeyay in dalka aan lagu dhisi karin mowqif aan mideysneen.
Haddalka Farmaajo ayaa imaanaya xili dowlada federaalka ay kusii badanayaan mas’uuliyiinta dhaliilaha ka muujiya qaabka ay u shaqeyso dowlada.
Caasimada Online
Xafiiska Muqdisho
[email protected]