Muqdisho (Caasimada Online)-Warar dheerad ah ayaa waxa uu kasoo baxayaa dagaal qaraaran oo u dhexeeyay ciidamada xasilinta Caasimada iyo maleeshiyaad Hubeysan.
Dagaalka oo qaatay muddo ku dhow saacad ayaa waxa uu ka dhacay degmada Wadajir ee gobolka Banaadir.
Dagaalkan ayaa yimid ka dib markii ciidamada Xasilinta Caasimada ay isku dayeen in ay hub ka dhigis ku sameeyaan ciidamo ku sugnaa degmadaasi.
Ciidamada xasilinta Caasimada ayaa rasaas ooda uga qaaday labo askari oo diiday inay hubka dhigaan.
Rasaastii hore oo ay is weydaarsadeen labada dhinac ayaa waxaa kusoo baxay ciidamo gurmad ah waxaana sidaa kusii xoogeystay dagaalka.
Ciidamada ayaa waxa ay la sheegay in ay diideen in hubka laga qaado.
Rasaasta labada ciidan is weydaarsadeen, ayaa hakad galisay ganacsigii iyo isu socodkii Gaadiidka Suuqa weyn ee degmada Wadajir, waxayna xaaladu markii danbe ku soo noqotay caadi.
Rasaasta ayaa waxaa ku dhaawacmay askari ka tirsan ciidamada ammaanka ee xasilinta Muqdisho, halka dadka shacabka ee uu dhaawaca soo gaaray tirro ahaan lagu sheegay laba ruux oo ku sugnaa goob ganacsi.
Dhinaca kale, dadka ku nool Suuq weyn ee degmada Wadajir ayaa waxaa soo wajahday Cabsi weyn.
Caasimada Online
Xafiiska Muqdisho
[email protected]