Muqdisho (Caasimada Online) – Dowlada Federaalka ah ee Somalia ayaa wada qorsho cusub oo lagu howlgalinaayo ciidamada AMISOM ee ku sugan magaalada Muqdisho.
Qorshaha ay wado dowlada ayaa la sheegay inuu yahay mid magaalada Muqdisho looga saarayo ciidamada AMISOM.
Ciidamada AMISOM ee laga saarayo magaalada Muqdisho ayaa la geyn doonaa xuduudaha laga soo galo magaalada Muqdisho.
Sidoo kale, Ciidamada dowlada ee hadda ku sugan xuduudaha ayaa lagu dari doonaa ciidamada amaanka ee ka howlgala magaalada Muqdisho, maadaama la xoojinaayo amaanka magaalada.
Xogtu waxa ay intaa kusii dareysaa in ciidamada AMISOM ay la shaqeyn doonaan ciidamo dhowr ah oo ka tirsan dowlada si ay uga caawiyaan baaritaanada gaadiidka soo galaaya magaalada Muqdisho.
Si kastaba ha ahaatee, qorshahaani lagu howlgalinaayo ciidamada AMISOM ee fadhiidka ah ayaa waxaa hogaaminaaya Hay’adaha amaanka dowlada ee u xil saaran xaqiijinta amniga.
Caasimada Online
Xafiiska Muqdisho
Caasimada@live.com