Muqdisho (Caasimada Online) – Wasiirka maaliyadda xukuumadda Federaalka ah ee Somaliya, Cabdiraxmaan Ducaale Bayle ayaa sheegay in Somalia ay kasii gudbeyso xadka faqriga iyo dhaqaale xumida.
Wasiir Bayle ayaa sheegay in dowlada Somalia ay culeyska ugu badan saartay sida ay uga faa’iideysan laheyd kheyraadka ku jira dalka, waxa uuna tilmaamay in muddo kooban ay uga dhaqaale badin doonaan dalalka dhaca qaarada Africa.
Beyle waxa uu tilmaamay in Somalia ay dhaqaale ahaan la sinaan doonto dowladaha Africa wax ka yar 3 sano, waxa uuna cadeeyay in dhaqaalaha lagu tashanaayo uu ka imaan doono dhanka shacabka.
”Waxaan Umadda Soomaaliyeed ugu bishaareynayaa inay ku tashtaan bixinta lacagaha canshuurta si aan dhaqaale ahaan ula simano dowladaha kale ee Africa”
”Waxaan xooga saareynaa in dhaqaalo ahaan aan uga dheereyno afrikanka kale muddo dhan Seddex sano oo nagu soo fool leh”
”Waxaan ku rajo weynahay in dhaqaale ahaan ay naga hormaraan ilaa shan dowladood oo afrikan ah, kaalinta lixaadna ay gali doonto Somalia”
Waxa kalo u wasiirka sheegay si isbadal loo gaaro inay muhiim tahay wax ka badal lugu sameeyo lacagta dalka oo qiimaaheedu hoos u dhacay,taas waxaa dheer in gudaha dalka hadda si weyn loo adeegsado lacagta doollaarka Mareykanka.
“Dalkeena isbadal lacageed ayuu u baahanyahay,sidii ay taas u dhici lahayd ayaana hadda ka shaqeyneynaa.” ayuu ku darray hadalkiisa wasiirka maaliyadda.
Haddalka Beyle ayaa imaanaya xili uu dhawaan sheegay in korar dhaqaale laga dareemaayo Bankiga dalka, tan iyo markii uu la wareegay xilka Wasaarada maaliyada.
Caasimada Online
Xafiiska Muqdisho
[email protected]