Riyadh (Caasimada Online)-Madaxweynaha dalka Mareykanka Donald Trump ayaa boqorka Sucuudi Carabiya Boqor Salmaan Bin Cabdicasiis Aala Sucuud, uga digay inuu qafiifiyo xiisada kala dhexeysa Dowlada Qadar.
Donald Trump, ayaa Boqorka u sheegay inay jiraan macluumaadyo dheeri ah oo muujinaaya in dowlada Qadar ay si toosa u fangareyso Kooxaha Argagixisada.
Donald Trump, waxa uu sidoo kale Boqor Salmaan Bin Cabdicasiis u cadeeyay inuu sameeyay guddiyo dhanka Sirdoonka ah oo baaraya kiisaska la xiriira tuhunka
Donald Trump, waxa uu Boqorka u bidhaamiyay in kiiska Qadar uu yahay mid baaxad leh isla markaana ay u kaashan doonaan dowlado dhowr ah, si loo soo bandhigo cadeymo lagu qanci karo.
Boqor Salmaan Bin Cabdicasiis, ayaa sidoo kale sheegay inay wadaan dadaalo lagu kasbanaayo dowladaha kale ee Carabta kuwaa oo uu sheegay inaysan qeyb ka aheyn xiisada cusub ee kala dhexeysa Qadar.
Boqor Salmaan Bin Cabdicasiis, ayaa iminka Guddiyo u xil saaray kordhinta dowladaha
xiriirka u jaraaya dowlada Qadar, taa oo saameyn ba’an ku yeelankarta Qadar oo iminka aan heysan taageero ku filan.
Dhawaan ayay aheyd goortii Madaxweynaha dalka Mareykanka Trump uu shaaciyay inuu kaalin weyn ka qaatay xiisada ka dhex aloosan Sacuudiga iyo Qadar.
Caasimada Online
Xafiiska Riyadh